Welcomw To Blogspot Riezal Cinta Damai

Kamis, 29 September 2011

Corupsaun


Nudar nasaun dezenvolvido hanesaan nasaun seluk Timor-Leste sei hasoru hela dezafiu oin-oin. Situasaun critical maka trasnparancy, acountabilidade no participasaun publica nebe sai nudar asuntu fundamental atu economia iha nasaun ida ne’e bele lao diak. Hare ba dezafiu boot sira ne’e persija tebes tau importansia hodi hatan. Tamba ne’e mak Parlamento Nacional Timor-Leste hamrik iha oin atu luta kombate korupsaun iha rai ida ne’e. Parlamento National Timor-Leste nia komitmento boot atu hodi luta kombate korupsaun entrega iha komisaun ida nebe kritical, komisaun C nebe hare ba perirodade iha area Economia, Financias no Anit-Corupsaun. Membru iha komisaun ida ne’e tau sira nia esforsu tomak no sira nia matenek hodi luta kontra korupsaun nebe komplexu no sensitive iha Timor-Leste.   
Atu bele hasae no fahe sira nia experiencias, sira metenek no sira nia komitmentu, nune mos atu bele hetan espereicias foun, matenek balu hosi rai seluk nebe avansado iha area anti-corupsaun, membru komisaun C halao no dala ruma mos atende atividade lubun ida iha nivel nacional no internacional hanesan seminario, konferencia, workshop iha rai laran nomos rai liur. Komisaun halao mos studu komparartiva ba rai seluk atu buka hatene besik liu tan kona ba experiancia oinsa atu kombate korupsaun, promove no hametin koperasaun ho rai seluk ho nune bele sai hanesan matan dalan ida ba Parlamento Nacional hodi kombate korupsaun. Atividade sira ne’e hatudu katak komisaun C buka posibildade oin-oin nebe diak atu hametin kolaborasaun ho nasaun seluk nebe iha interese boot atu luta kombate korupsaun no ho dalan sira ne’e mak bele responde ba futuru nebe diak ba Timor-Leste nebe mak foin ukun an iha tinan 9 nian laran ne’e. 
Deputada Cipriana Pereira, Presidenti Sub-Comisaun ba asuntu Anti-corrupsaun nebe hamahon an iha komisaun C nia laran, hateten:
“Membru Parliamento iha responsabilidade moral ba povo tomak atu kombate korupsaun iha rai laran, tamba ne’e sira hakarak katak povo tomak temgke hetan protesaun hosi korupsaun. Atu halo ida ne’e membru  parlamentu presija tebes atu foti desijaun politk ida nebe forte no sensible hodi ratifica konvensun internasional no husu estado tengke respeitu no halao tuir obrigasaun sira nebe mak konsagra tia ona iha konvensaun internasional nian laran. Parlamento mos presija atu halo servisu ho organizasaun seluk hodi buka solusaun no hadiah liu tan qualidade kona ba legislasaun iha area korupsaun. Nudar membru parlamentarian ita tengke sai exemplu nebe diak no halo ita nian  governo atu bele iha accountabilidade, responsabilidade  no transparan”.
Bazea ba comitmento moral nebe membru parlamentu iha, sira mos halibur an iha GOPAC Timor-Leste.(Organisaun Global Parliamentarians Luta kombate Korupsaun) nebe harii iha loron 12 fulan June 2010, no fo fiar leaderansa ba Deputada Fernanda Borges sai nudar Presidente GOPAC Timor-Leste ba periode 2010-2012 .
Deputada Borges fo nia komitmentu tomak hamutuk membru GOPAC nebe oras ne’e hamutuk ema 24 atu hadia nasaun ida ne’e iha area anti-corupsaun nian. Servisu barak no todan boot presija atu halao. Laos deit atu hare ba iha rai laran deit maibe Deputada Borges  hamutuk membru GOPAC Timor-Leste mos prekupa ho korupsaun nebe buras iha nivel global no liu-liu iha regiaun Asia no Pacific. Asuntu boa-governasaun no korupsaun nebe global, halo mos membru Parlamento Nacional Timor-Leste tengke hatan ba.
“Siuasaun ida ne’e la acceptable no tengke duni buka atu hadia. Timor-Leste nudar premeira nasaun ida nebe hetan independensia iha era millennium. Nudar nasaun nebe nurak, ita komesa duni ona koko atu tau estabilidade no establese institusauasun nebe democratico, halo governasaun nebe diak no mos kombate korupsaun. Nudar membru hosi regiaun Asia Pacific ,ita hetan informasaun nebe klean kona dezafiu no risku nebe involve konna ba korupsaun. Importante liu mak ita tengke foti medidas atu bele sukat no hatan kona ba asuntu boa governasaun no mos hatan ba dezaviu sira nebe oras ne’e ita hasoru oras ne’e”. Deputada Fernanda Borges, Presidente GOPAC Timor-Leste periode 2009-2012.
Iha fulan Outobru 2010, GOPAC Timor-Leste hamutuk ho Indonesia, Philippines, Singapore, Thailand, Malaysia, Cambodia, Vietnam no Bangladesh sai nudar membro hosi organizasaun ida ho naran SEAPAC (South East Asian Parliamentarians Against Corruption). Importante atu halibur an no sai nudar membru ba SEAPAC hanesan Deputada Borges haktuir:
“GOPAC Timor-Leste iha agenda atu hatan ba asuntu sira ne;e liu hosi halao kolabarosaun servisu ho parseria ho rai seluk nebe mak sai nudar ita nian visinho. Nudar membru ba SEAPAC ita tau konsedarasaun boot tebes ba valor nebe kooperasaun ne’e halao iha regiaun ida ne’e nia laran. Ita mos hakarak uza opportunidade ida nebe unique atu aprende, atu fahe ita nia experiencias no ita nia planu servisu ho ita nia parseiro sira iha regiaun ne’e. GOPAC Timor-Leste hakarak mos sai nudar matan dalan, fo exemplu hodi halo promosaun atu kombate korupsaun, tulun ba KAK liu hosi dalan ida nebe efetivo hodi prepara legilasaun, haforsa rede hamutuk entidade seluk hanesan NGO, media, academiko, parliamentarians, setor privado sira no entidade seluk nebe iha entreze atu kombate korupsaun. Nudar membru parlamentu ami sei suporta governo atu implementa “Goverasaun ida nakloke” liu hosi establese fundus systema  electronic/ Portal system kona ba procurment no hakaark hare hikas fila fali ita nian institussaun, estableze institusaun hodi halao audit ida nebe bele fo relatorio ba parlamanetu nacional. Ami mos kuntunua atu haforsa ami nia knar iha fiscaligasaun no hakarak kria governo ida nebe iha responsabilidade ba parlamentu”.
GOPAC Timor-Leste mos organiza ona atividade oin-oin atu bele hatan ba difikuldade nebe iha hodi luta hasoru korupsaun, atividade importante ida mak halo hela servisu ba draft Lei kontra Korupsaun nebe hetan kolaborasun diak hosi membru parlamentu nacional tomak. Alein hetan mos opiniaun hosi entidade seluk nebe entrese ba asuntu korupsaun iha Timor-Leste . Draft Lei kontra Korupsaun nebe oras ne’e debate iha Parlamentu Nacional e’e mos hetan sugestaun nebe diak hosi GOPAC Internasional and UNDAC hosi Geneva.
Contribusaun seluk nebe significanti mak wainhira Parlamento Nacional stabelsa Comissão Anti-Corupção-KAK iha loron  29 Junho 2009, depois sira ratifica tia konvensun internasional kona ba anti-corupsaun.
“Nudar membru Parlamento ami simu governo nian proposta atu harii CAC hodi hahu ona implementa servisu sira nebe reqezita hodi kombate korupsaun iha ita nian rai liu hosi establese systema governasaun nebe diak, hodi uza rekursu nebe ita iha hodi fo benificio ba povo tomak laos atu beneficia deit ema ida rua ou grupo ida deit. Korupsaun no governasaun nebe la diak sei resulta revenue governo nian hamosu mos resultado kualidade servisu infrastrutura nebe la diak no la fo beneficio atu hodi reduce kiak iha ita nian rai laran. No liu tan ne’e, fo mos kontribusaun nebe ladiak ba asesu edukasaun, saude, infrastrutura no produsaun sira seluk tan. Buat sira ne’e hotu, liu-liu governasan nebe ladiak, partikularmente korupsaun lori mai ita kustu social no economia ida nebe boot no todan. Governasaun diak mak save atu hatan ba asuntu sira ne’e. Individu ida nebe kiak ka  grupo ida nebe kiak  sei la hetan beneficio ba sira. Ne’e duni tengke iha systema nebe diak tau iha nia fatin  atu intidade tomak bele participa liu hosi foti decisauan nebe diak nebe bele afeita ema hotu nia moris. No tengke duni befeisia ema barak”. Deputado Estanislau da Silva, membru GOPAC Timor-Leste.
Hare ba rezaun sira ne’e GOPAC Timor-Leste hahu tau konsiderasaun atu hadia no halo diak liu tan qualidade kona ba legislasaun.. Parlamento nacional mos kria ona lei ida nebe fo obrigasaun ba stado atu compila no adopta principio internacional iha kode penal timor leste no halo proposta foun kona ba legislasaun nian no tau iha fatin unidade investigasaun financamento iha governo nia laran
Deputada Tereza Carvalho mos tau nia nian appreciasaun diak kona ba saida mak GOPAC Timor-Leste hetan ona durante ne’e no hatudu nia enterese no komitmento atu involve an iha GOPAC Timor-Leste. Ho hanoin katak hakarak fo kontribusaun iha area  anti-corrupsaun no liu tan ne’e hakarak atu tulun governo hodi kombate korupsaun.
“Nudar nasaun ida nebe sei nurak, governo mesak deit sei la bele iha susesu hodi kombate korupsaun. Presija tebes parseiria nebe forte hamutuk ho setor privado no sociadade civil sira no luta kontra korupsaun tengke sai nudar ita hotu nian prioridade. Ita mos tengke benvindo no aprseia kona ba ema barak nebe oras ne’e iha interese nebe sae makas atu servisu hamutuk liu hosi parseria nebe forte iha grupo oin-oin, instiitusauan iha nivel nasional, regional no global atu luta kombate korupsaun. Governo, setor privado, sidadaun no sociadade civil tengke servisu hamutuk atu halo transparancia no acountabilidade sia nudar agenda global ba governo tomak”. Deputada Tereza Carvalho.
Deputada Fernanda Lay mos fo benvindo ba exixtensia hosi GOPAC Timor-Leste nebe sia mos nudar parte integradu hosi GOPAC Internacional. Nudar Presidenti komisaun I nebe tau matan ba asuntu Ethica no Regulasaun Interna Parlamento Nacional, Deputada Lay hare katak dala barak ema nebe la hatene kona ba mandatu membru parlamentu nian hanoin katak membru parlamento nebe iha immunidade sai nudar obstaklu atu kombate korupsaun iha rai laran. Ne’e la los tuir saida mak Deputada konfirma haneasn tuir mai ne’e :
“Parlamento nacional nungka tolera ba membru parlamentu atu halo korupsaun iha forma saida deit. Zero tolerancia ba korupsaun. Ami iha ona draft kona ba kode konduta etika nebe atu regula membrus parlamentu sira. Imunidade nebe distintu deputados sira iha laos atu fo dalan ba sira atu komete iha korupsaun. Nudar membru parlamentu ita tengke sai nudar exemplu ba povo no tengke hahu moris iha envaromentu cultura foun ida ba ita. kombate korupsaun tengke hahu sai nudar boa vontade diak hosi ita nudar membru parlamnetu”.
Deputado Estanislau Pereira asita ho statemento nebe deklara hosi Deputada Lay. Tuir Deputado Estanislau katak :
“Imunidade nebe membru parlamentu sira iha so deit bele implementa wainhira sira halao sira nia knar o performa nudar membru parlamentu nacional hodi implementa sira nia funsaun no servisu. Sira labele uza fali immuniddae nebe sira iha atu hodi halo proteza sira nian an atu komite iha asaun korupsaun. Ne la los”.
Deputado Maria Paixao, nebe mos nudar membru ida iha GOPAC nia laran no halao mos nia knar nudar Vice Presidenti Parlamento Nacional hateten:
“Susesu atu kombate korupsaun tengke hahu ho lei nebe regrosu, efectivo no forte atu nune bele hetan suseu nebe diak. Ita tengke hatudu ba publico katak governo determina ona atu luta kombate korupsaun liu hosi boavontade diak nebe governo halo durante ne’e. Ita mos tengke aprende syncroniza ita nia hakarak, mai ita exerca ita nian dezezu politika nebe diak no konfronta korupsaun hahu kedas iha ohin loron. Mai ita luta hasoru korupsaun no ida ne’e tengke sai nudar asaun ida nebe ita hotu tengke halao hamutuk. Ita hotu tengke iha hanoin ida deit katak korupsaun ne’e sei hamosu kiak no ida ne’e presija ita hotu nia koperasaun hosi setor hotu atu luta hasoru moras at ida ne’e. Ho hanoin diak hamutuk no forca nebe bot hau fiar ita bele kombate korupsaun”.
Nudar parte ida atu sai mos membru ASEAN, Timor-Leste to ohin loron servisu makas atu bele hetan duni fundasaun ida nebe forte iha luta kombate korupsaun. Deputada Borges emphasia,
“Ita hakarak hatudu tebes ita nian responsabilidade nebe boot no diak nudar membru ASEAN liu hosi dalan nebe hatudu katak luta iha area anti-korupsaun no hasae promosaun dereitu humanus iha regiaun ida ne’e. Ita hakarak hateten liu hosi ita nia lia fuan no asaun pratica  katak tempo to ona ba ita atu troka ita nian mentalidade, tau ita nian systema nebe diak no halakon tia pratika at sira nebe ita iha passado no tau buat sira no hotu iha nia fatin ho lolos atu ita bele sai iha kiak no mukit iha regiaun Asia Pacific”.
Buat sira ne’e hotu hatudu katak Parlamento Nacional tau ona komitmentu ida nebe forte no sai nudar fundamental, membru Parlamento mos tengke tau sira nian an nudar exemplo ba ema hotu iha ita nia rai laran no buka dalan diak atu kria parseria nebe forte hamutuk ho sociadade civil, inclui mos setor privdo sira. Servisu iha area kombate korupsaun to ohin loron sei la diak hela maibe ita tengke avansa ho asaun nebe agreseivu liu hosi efectivo no sustanibilidade parseria nebe forte. Kombate korupsaun sai nudar dizafiiu ida laos deit ba membru parlamentu sira maibe tengek sai nudar responsabilidade hosi agencia dezenvolvemento hotu, Sociadade civil, seitor privado, ikus liu mak ne’e ita hotu tengke hamutuk lao ba oin no tengke duni halo mudansa nebe bele duni fo diferencia ba ita noia moris ohin no aban bain rua.
Rohan mak ne’e.

Tidak ada komentar:

Poskan Komentar